الاسم: hossam anter 
ممكن يكون الكلام ده من وجهة نظر اى شخص مبالغة
بس بجد هى الحقيقة
ومش عشان ا نا زملكاوى او اهلاوى
عشان باكره التمثيل فى حاجة ما تستاهلش تمثيل
الموضوع محتاج نظرة تانيه
انا متأكد ان فى حاجة مش طبيعية
السنة دى بالذات
ايه كمية المشاكل دى فى الاعلام الرياضى؟
شوبير ومرتضى
علاء صادق واتحاد الكورة
الغندور واحمد حسن
معروف وصادق
طبعا كلام فارغ
يعنى ايه ؟
لما يطلع علينا واحد يقول ياريس الحقنا
واحد زى علاء صادق بقول انا خايف على مصر
عشان لاعب وللا اتنين اصلا لا يستحقوا اى مساعده
لانهم هم سبب المشاكل
لان مفيش انسان محترم يوقع مع ناديين
مهما كان السبب
ده يبقى اسمه نصب
ده مش موضوعنا
فى حاجة مش طبيعيه زى ما قلت
لو جيت تبص كده على ترتيب الاحداث
مع ارتفاع اسعار المازوت وخمسين حاجة مترتبه عليه
وحدوث انجار للاسعار وتوحش لثمن كل شىء
ظهرت مشكلة الحضرى
طبعا المشكلة عادية
لكن الاعلام بالغ جدا فى الموضوع ده
والناس نسيت الاسعار واتكلمت عن واحد راح بلد تانيه
نسيت المدافن اللى كانت بتتعمل جنب كل فرن فيه عيش
دى حاجة باختصار
حاجة تانيه
مع الايام اللى فاتت
زيادة كبيرة ايضا فى الاسعار
وظهرت تمثيلية هانى سعيد
طبعا دة غير حسنى راح حسنى جه
المبالغة دى نست الناس زيادة الاسعار
و الضرايب العقاريه
واصبح كل الكلام عن معروف بيتخانق مع صادق
الغندور بيلسن على احمد حسن
والله العظيم
لو انشغلنا بحالنا نص انشغالنا بالتفاهة دى
هنكون حاجة تانيه
حتى فى التشجيع
التشجيع يخلص بعد الماتش
....
حد شاف ماتش كده فى الدورى الانجليزى
الناس كأنها داخلة اوبرا او مسرح
فيه احترام ووقار
الاجازة اجازة والشغل شغل
معروف جدا ان الماتشات بتبقى غالبا يوم العطلة
انما عندنا زيد عند عبيد
عاملين يوم الاحد ده الجمعه بتاعتنا
ماتش زى اللى فات او السوبر
ليه ما يتلعبش الجمعه
لازم فى الزحمة وانشغال الناس
.................
انا حاسس انى بدأت فى التهييس
والواحد بدأ يخرف
بس بجد لو اى حد قرا الكلام ده بدون اى تعصب
هيعرف انى مش غلطان قوى
.....................
ونفسى اوى
ان الموضوع ده يكون نهايه مرحلة من التعصب
عشان نشوف الاهم
لاننا داخلين على ايام ما يعلم بيها الا ربنا
واسف لو كان الموضوع مختصر وقصير شوية
كتبها hossam anter في 07:45 مساءً ::
